أخبار عاجلة
الرئيسية / اخبار / دورى_مستقبل_وطن

دورى_مستقبل_وطن

كتبت الاعلاميه هبه حمدون

تعالول نتكلم عن الحدث الأكبر رياضياً فى كل انحاء المحروسة 😍 #دورى_مستقبل_وطن

ماهو دورى مستقبل وطن ؟
قائم كل سنة بسواعد أبناء حزب مستقبل وطن لتعزيز دور الرياضة فى المجتمع المصرى ، والإهتمام بالأجيال القادمة لمستقبل الكرة المصرية ، ومساعدة الموهوبين كروياً فى تغير حياتهم للأفضل ،
مسابقة لكرة القدم للشباب من الفئة العمرية ١٥ سنة حتى ٣٠ سنة
يقوم على ٣ مراحل :
١/المرحلة الأولى ؛ مرحلة المراكز
٢/المرحلة الثانية ؛ مرحلة المحافظة
٣/المرحلة الثالثة ؛ مرحلة الجمهورية .

كيفية التقديم للإشتراك فى الدورى ؟
عن طريق :
١/المقرات الرسمية للحزب سواء فى المراكز والأقسام أو المحافظات ؛ ودى هيتم إعلانها على الصفحة الرسمية للحزب 👇
https://www.facebook.com/MWATAN.E/

٢/ عن طريق إرسال بيانات الفريق على الإيميل الخاص بالدورى 👇
Watenleague@gmail.com

3/ التواصل مع صفحة الدورى وإرسال البيانات لها 👇

https://www.facebook.com/MWATAN.EG/

4/ التسجيل عن طريق الإستمارة اللإلكترونية 👇
https://goo.gl/forms/ai5B28e8AYATsTjL2

طيب أيه المصاريف للإشتراك فى الدورى ؟
مفيش أى فلوس بتتدفع عشان تشترك انت وفريقك ✌

طب فين مكان الماتشات اللى هلعبها انا وفريقى فى الدورى ؟
زى ما اتكلمنا فى بداية كلامنا ان فى ٣ مراحل للدورى ؛ بداية بالمراكز والأقسام انتهاء بالجمهورية ،
فكل منطقة ومركز وقسم هيحددوا أماكن لعب المباريات
يعنى انت هتبدأ التصفيات فى المركز او القسم التابع ليه (فى منطقتك والحى بتاعك 😉)

طيب أيه الشروط عشان اشارك انا وفريقى فى الدورى ؟
بص يا كابتن مصر 😚
فى إستمارة إشتراك للدورى هتملاه انت وفريقك ودى هتكون موجودة فى مقر الحزب فى منطقتك ، طب لو معرفتش توصله هتتواصل مع الصفحة بتاعت زى ماقولنا فوق .
طيب أى حد بيشارك من سن ١٥ ل٣٠ !
أه طالما بيعرف يلعب كورة ومعاه فريق
كل فريق بيشارك فى التصفيات المؤهلة للحصول على الدورى حسب المنطقة اللى مشارك بها .
الأوراق المطلوبة :
١/صورة البطاقة الشخصية ، أو صورة شهادة الميلاد لمن هم عمرهم ١٥ عام .
٢/ ٣صور شخصية ٤*٦

طيب عدد الفريق قد ايه عشان ابقى عارف ؟
عدد الفريق 8 أعضاء + مدير للفريق + مدير فنى

طيب ايه المدير الفنى دا ومدير الفريق 🤔🤔
مدير الفريق ؛
دا شخص المسؤل التنظيمى للفريق مواعيد مبارياتهم الإجتماعات مع اللجنة المنظمة للدورى وإبلاغها للفريق ، قراءة اللايحة المنظمة للدورى ومعرفة الأحكام والشروط .

المدير الفنى ؛
دا شخص فاهم فى الخطط الفنية لكرة القدم ، عشان يساعد الفريق فى مشواره فى الدورى .

طيب سؤال هو المدير الفنى ومدير الفريق اجبهم منين وحد هيمتحنهم فى الخبرة اللى عندهم ؟
دا فريقك انت ، يعنى اللى هيستفاد منهم انت واللى هيتضر منهم حضرتك بردو ، فأختيارك للفريق بعناية هيحدد مستقبلك فى الدورى قد ايه .

طب هنلعب إزاى والشروط والأحكام وهنبدأ أمتى ؟
كل الأسئلة هتعرفها أول لما تسجل فريقك وتخلص الأوراق المطلوبة لبيانتهم .

أه فى حاجة مهمة جدا 👌👌👌
عند الإنتهاء من مرحلة المراكز والبدء فى مرحلة المحافظة هيكون فى كشافين للأندية لإختيار الموهوبين رياضياً فى كرة القدم وإشراكهم بأنديتهم
بإختصار ؛ انت ممكن تكون لاعب عندك موهبة داخل تشارك فى الدورى بعد انتهاء الدورى تكون لاعب فى أحد الأندية فى الدورى الممتاز 😍😍😍💪💪

طيب الجوايز ايه يا شقيق عشان نظبط الكلام 😅😂
الجايزة الأولى
١٠٠.٠٠٠ ألف جنيه مصرى
المركز الثانى
٦٠.٠٠٠ ألف جنيه مصرى
المركز الثالث
٤٠.٠٠٠ ألف جنيه مصرى

من فضلك شير ومنشن 😍😘💪✌

#دورى_مستقبل_وطن
#الحدث_المنتظر
#الحلم_أقترب
#حزب_مستقبل_وطن
#قادة_المستقبل

عن admin

وكالة اخبارية شاملة تعمل تحت اسم دار اخبار الناس للصحافة والطباعة والنشر .،رئيس التحرورئيس مجلس الادارة احمد عاشور ..فريق العمل هو فريق متطوع في العمل الصحفي..

شاهد أيضاً

رئيس البرلمان العربي يعلن تأييده ومباركته لاستجابة القوات المسلحة السودانية لمطالب الشعب السوداني

كتبت الاعلاميه هبه حمدون. أعلن الدكتور مشعل بن فهم السلمي رئيس البرلمان العربي تأييده ومباركته …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.