أخبار عاجلة
الرئيسية / منوعات ومجتمع / صباح الخير يا مصر !!

صباح الخير يا مصر !!

يا ريس زعلت قوى قوى واتأثرت جامد لما سمعتك بتقول لو اقدر ابيع نفسى عشان مصر مش حتأخر … هى وصلت لكده ؟؟؟ فين نخوة المصريين عشان يوصلونا لكده ؟! ياريس البلد فيها فلوس كتير وممكن الاقتصاد يبقى احسن من الاول لكن للاسف فى تشابك فى المصالح وناس مش عايزة تتنازل عن مزايا واخداها ومش من حقها .. بيقولوا عليها مكتسبات !!! للاسف الشديد الناس اللى واخدة كل المكتسبات ومش سايبين للشعب حاجة لا تنتظر منهم انهم يصبحوا على مصر بأى شئ اما باقى الشعب واللى نفسه قوى يصبح على مصر بأى حاجة معندوش اى حاجة يصبح بها على مصر للاسف … عايز اقول للريس بتدور على 4 مليار جنيه ممكن كل المصريين يتبرعوا بهم فى خلال سنة ؟!! عايز اقولك ياريس ان فى 4 ترليون جنيه من ثروة مصر مهدرة !!! دى ثروة مصر العقارية الممثلة فى مبانى الايجار القديم !! بيوتنا بتتهد ياريس امام عينينا – المستأجرين وأولادهم وأحفادهم عايشين ببلاش فيها .. وياريتهم فقراء دول اغنى الأغنياء !!
بيقولوا لك لازم تبنى مليون وحدة جديدة عشان الناس محتاجة سكن ودول حيتكلفوا 165 مليار جنيه .. طيب ايه رأيك فى 3 مليون وحدة فى ارقى الاماكن مقفولة خالص ولا المالك منتفع بها ولا الساكن عايز يسيبها وايه رأيك فى 5 مليون وحدة كمان خالية تماما واصحابها خايفين يأجروها احسن الساكن يعمل مشاكل .. بيسقعوها عشان تتباع بسعر اعلى كتير لما السوق يطلع .. كان ممكن قوى يأجروها لحد مايقرروا يبيعوها لكن بطئ القضاء اللى حينصفهم ويكون ضاع عليهم ايجارات كتير بيمنعهم يأجروا خالص !!
انا ياريس للاسف مش حقدر اصبح على مصر ولو حتى بجنيه فى اليوم – مصر ظلمتنى كتير بعد ماظلمت ابويا ودلوقتى بعد انا ما اتظلمت كمان ابنى حيتظلم من بعدى !! عايزنى اصبح على مصر بجنيه فى اليوم ؟؟؟!! اذا كنت انا متهرب من دفع فواتير المياه اللى على من اكتر من سنة وقيمتها اكتر من 3000 جنيه !! السكان مش بيدفعوا وتعبنا من القضاء الشامخ اللى مش بينصفنا ابدا – كمان مش بيدفعوا الملاليم بتاعة الايجار وحندفع لهم المياه اللى بيستهلكوها ؟؟ طبعا مش حندفع وشركة المياه مش حتقطع المياه ولا تقدر تقطعها .. حتقطع يعنى المياه على السكان الغلابة جدا اللى مش قادرين حتى يدفعوا الايجار ؟؟؟ طيب انا كمان مش حدفع ولو عايزين يسجنونى مفيش مشكلة – انا لو اطول كمان اتهرب من الضرايب كنت اتهربت بس للاسف انى غير خاضع للضرايب عشان مابقاش عندى دخل اتحاسب ضريبيا عليه !! الكلام ده ياريس حتلاقيه مش ينطبق على لوحدى دى البلد كلها كده .. وبعدين نقول عايزين نصبح على مصر !!! صباح الخير يا مصر !!! كان نفسى قوى اصبح عليك بفلوس بس انا لى عندك فلوس كتير قوى .. ادينى حتى ولو نص الفلوس دى وانتظرى منى الكرم اللى على اصوله !!!!

 

كتب : مراد منير

عن admin

وكالة اخبارية شاملة تعمل تحت اسم دار اخبار الناس للصحافة والطباعة والنشر .،رئيس التحرورئيس مجلس الادارة احمد عاشور ..فريق العمل هو فريق متطوع في العمل الصحفي..

شاهد أيضاً

انتهز الفرصة وسافر فى رحلة مجانية للسويد

  كشفت  صحيفة “ميرور” البريطانية عن شركة سويدية تعمل في مجال إنتاج معدات التزلج، تبحث …

3 تعليقات

  1. برافو .فى الجون. أ. مراد منير ..

  2. يسقط قانون الايجار القديم القانون الذى احل اكل املاك الغير هل من العدل تابيد القيمة الايجارية ؟ وان يرث ابن المستاجر المالك ونقول احسن ابويا كان بيدفع 15 جنية ايام ما كان الجنية لة قيمة ويعيش في سحت حسبى الله ونعم الوكيل و هل من العدل ان المالك يدعم الساكن من جيبة ؟ كفاية تهريج ويجب الغاء هذا القانون اللعين .عاوزين حقنا علشان نعرف ندي مصر حقها و نصبح و نمسي كمان مفيش مشكله

  3. احلى صباح لكى يامصر لما ترجع املاكنا ويتلغى قانون توريث امتداد عقود الايجارات القديمة ورجوع الحق الشرعى لاصحابة من يتامى وارامل وكبار السن ومرضى بنتمكن من الصباخ على امنا مصر بمليارات تليق بيها من تحصيل الضرائب العقارية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.